UK MET OFFICE CHIEF FAMILIRIZATION VISIT AT TMA HEADQUARTERS IN PHOTOS

LONGIDO NA KITETO WAENEZA ELIMU YA MATUMIZI YA TAARIFA ZA HALI YA HEWA.

Kaimu Mkurugenzi Mkuu, Dkt. Ladislaus Chang'a akifungua warsha ya wadau inayohusu kuimarisha usambazaji na matumizi ya taarifa na huduma zitolewazo na Mamlaka ya Hali ya Hewa Tanzania

Mkurugenzi wa Huduma Saidizi Bw. Laurent Shauri akimkaribisha mgeni rasmi kufungua warsha ya wadau inayohusu kuimarisha usambazaji na matumizi ya taarifa na huduma zitolewazo na Mamlaka ya Hali ya Hewa Tanzania

Maafisa kilimo kutoka Wilaya ya Kiteto na Longido wakielezea namna walivyonufaika na elimu kutoka TMA katika warsha ya wadau inayohusu kuimarisha usambazaji na matumizi ya taarifa na huduma zitolewazo na Mamlaka ya Hali ya Hewa Tanzania

Meza kuu pamoja na wadau mbalimbali wakiendelea kupata uzoefu katika warsha ya wadau inayohusu kuimarisha usambazaji na matumizi ya taarifa na huduma zitolewazo na Mamlaka ya Hali ya Hewa Tanzania

Na: Monica Mutoni

Mamlaka ya Hali ya Hewa Tanzania (TMA) imekuwa ikifanya kazi kwa karibu na Wilaya za Longido na Kiteto katika kuhakikisha matumizi sahihi ya taarifa za hali ya hewa yanafanyika sambamba na jinsi ya kukabiliana na mabadiliko ya hali ya hewa. TMA imetumia uzoefu wa Kiteto na Longido ili kuimarisha huduma katika maeneo mengine ya nchi yetu, wakati ilipoandaa warsha iliyowakusanisha wadau mbalimbali wa sekta ya kilimo na mifugo. Warsha hiyo ilifanyika tarehe 04 Mei 2016, Blue Pearl, Dar es Salaam.

Juhudi hizi zinafanyika kwa kushirikiana na mpango malumu wa kidunia (Global Frameworks for Climate Services (GFCS)) wa kuimarisha  utoaji na usambazaji wa taarifa za hali ya  hewa  ili kuongeza tija na ufanisi katika shughuli za uzalishaji na maendeleo na pia kukabiliana na mabadiliko ya hali ya hewa. Mpango huu umefadhiliwa na Serikali ya Norway.

 Utekelezaji wa mpango wa GFCS umelenga Wilaya za Kiteto na Longido ambazo ni mojawapo ya maeneo yaliyoathirika na mabadiliko ya hali ya hewa na ikaonekana ni muhimu mradi huu ufike maeneo ambayo yana mahitaji ya taarifa za hali ya hewa hasa kwa wakulima na wafugaji wanaoishi pembezoni mwa Tanzania.

Mabadiliko ya hali ya hewa yamejidhihirisha sana hasa katika kubadilika kwa mtawanyiko wa mvua, misimu ya mvua kuwa mifupi, kupungua kwa wingi wa mvua na kuongezeka kwa joto.

MAFUNZO UTANGAZAJI WA TAARIFA ZA HALI YA HEWA KWA WANAHABARI WA KITUO CHA AZAM

Mamlaka ya Hali ya Hewa Tanzania imeendelea kutoa mafunzo ya hali ya hewa kwa wanahabari ili kuwajengea uwezo wanahabari kuelimisha jamii juu ya umuhimu na matumizi sahihi ya huduma za hali ya hewa. Mkurugenzi Mkuu wa Mamlaka ya Hali ya Hewa Tanzania Dkt. Agnes Kijazi amefungua rasmi mafunzo ya wiki tatu ya hali ya hewa kwa ajili ya watangazaji na watayarishaji vipindi vya Azam Media. Mafunzo hayo yanatolewa na Mamalaka ya Hali ya Hewa Tanzania na Shirika la Hali ya Hewa Duniani WMO

Mafunzo hayo yanatarajiwa kuwawezesha watangazaji na watayarishaji wa vipindi kuwa na uelewa wa masuala ya hali ya hewa ili kufikisha taarifa hizo katika lugha rahisi lakini inayowakilisha taarifa hizo kadri ilivyokusudiwa. Mafunzo hayo ya wiki tatu  yanatarajiwa kumalizika tarehe 20 mwezi Mei mwaka huu.

WAFANYAKAZI WA TMA WATAKIWA KWENDA NA WAKATI

Wafanyakazi wa Mamlaka ya Hali ya Hewa Tanzania (TMA) wametakiwa kuachana na mfumo wa zamani wa kutumia makaratasi katika kuhifadhi taarifa zao muhimu na badala yake kuanza  kutumia mfumo wa kisasa wa kieletroniki.

Hayo yalisemwa na Waziri wa Ujenzi, Uchukuzi na Mawasiliano, Pof. Makame Mbarawa  jana jijini Dar es Salaam wakati wa mkutano na wafanyakazi hao na kueleza kuwa kwa kufanya hivyo kutasaidia kupunguza matumizi ya fedha za kununulia karatasi.

“Katika ofisi zenu nimeona kila mtu anakomputa ni jambo zuri hivyo zitumieni katika kuhifadhi taarifa muhimu za taasisi yenu kwa mfumo wa kieletroniki,” alisema Prof.Mbarawa.

 Aliongeza kwa kusema kuwa serikali imetumia fedha nyingi katika kujenga mkongo wa taifa wa kuhifadhi taarifa muhimu  hususani za serikali pamoja na taasisi zake hivyo ni budi  waanze kuutumia mkongo huo kwa kuhifadhia taarifa zao.

Pia amewataka watumishi kuwa waadilifu,wachapaka kazi, wabunifu na kuwa na uwazi baina ya watendaji wa juu na watumishi wa ngazi ya chini kwa kushirikiana na  wafanyakazi wa mikoani.

“Watanzania wanamatarajio mengi kutoka kwetu  katika kukuza uchumi wa nchi hivyo ni wajibu wetu kutimiza matarajio yao kwa kuwapatia mahitaji muhimu ikiwemo miundo mbinu imara ya barabara, bandari ,shirika la ndege la kisasa na utabiri  wa hali ya hewa wenye uhakika,” alisema Prof. Mbarawa.

Prof. Mbarawa  alitoa wito kwa kuwataka  watumishi hao kufanya kazi kwa ushirikiano  kila mmmoja kujituma katika eneo lake la kazi ili kuleta matokeo yaliyobora na hivyo kukuza uchumi wa nchi kwa kufikia uchumi wa kati.

Na Lorietha Laurence – Maelezo

MHE. PROF. MAKAME MBARAWA AAGIZA MENEJIMENT NA WATUMISHI WA TMA KUWA WAADILIFU NA WABUNIFU KATIKA UTEKELEZAJI WA KAZI ILI KUFIKIA MALENGO YA SERIKALI YA AWAMU YA TANO IFIKAPO MWAKA 2025

Mhe. Waziri wa Ujenzi, Uchukuzi na Mawasiliano akipokelewa na menejimenti ya TMA na kusaini kitabu cha wageni

Mhe. Waziri wa Ujenzi, Uchukuzi na Mawasiliano katika kitengo cha Data (Takwimu za taarifa za hali ya hewa )

Mhe. Waziri wa Ujenzi, Uchukuzi na Mawasiliano katika kitengo cha Hali ya Hewa Kilimo.

 

Mhe. Waziri wa Ujenzi, Uchukuzi na Mawasiliano katika kitengo cha Huduma za Utabiri

.

Mhe. Waziri wa Ujenzi, Uchukuzi na Mawasiliano akizungumza na menejimenti na wafanyakazi wa TMA

BODI YA USHAURI YA MAMLAKA YA HALI YA HEWA YASISITIZA UTEKELEZAJI WA MAJUKUMU KWA KUZINGATIA MAADILI, KANUNI NA TARATIBU ZA KAZI KWA WATUMISHI WA MAMLAKA YA HALI YA HEWA

Katika jitihada za kuhakikisha Mamlaka ya Hali ya Hewa Tanzania (TMA) inafikia viwango vya kimataifa kulingana na matakwa ya Shirika la Hali ya Hewa Duniani (WMO), Chuo cha Hali ya Hewa Kigoma kimefanikiwa kufanya awamu ya tatu ya  kozi ya huduma za hali ya hewa kwa usafiri wa anga kwa baadhi ya wafanyakazi wa TMA.

Akifunga rasmi kozi hiyo na kuwatunuku vyeti wahitimu, Mwenyekiti wa Bodi ya Ushauri ya TMA, Dkt. Buruhani Nyenzi aliwataka wahitimu wote pamoja na wafanyakazi wengine wa Mamlaka kuwa vielelezo katika vituo vyao vya kazi katika kuzingatia maadili, kanuni na taratibu za kazi na kufanya kazi kwa weledi mkubwa hususani kwenye sekta ya usafiri wa anga. Aidha aliahidi kwamba Bodi itashirikiana na menejimenti ya TMA kuhakikisha kwamba miundo mbinu ya Chuo cha Hali ya Hewa Kigoma inaboreshwa.

Akimkaribisha mgeni rasmi Dkt. Agnes Kijazi, Mkuruggenzi Mkuu wa Mamlaka ya Hali ya Hewa alisema mafunzo hayo ni sehemu ya kutekeleza mpango mkakati wa Mamlaka wa kuendeleza watumishi ili kukidhi viwango vya Shirika la Hali ya Hewa Duniani.

Naye Mkuu wa Chuo cha Hali ya Hewa Kigoma, Bw. Joseph Aliba alitoa shukrani za dhati kwa serikali kwa kuwezesha uboreshaji wa huduma kama vile usajili wa chuo, maktaba, ujenzi wa uzio wa chuo, mafunzo kwa waalimu, kuunganishwa katika mkongo wa Taifa huku akitaja baadhi ya changamoto zilizopo.

Akisoma risala kwa niaba ya wahitimu wote, Bi. Beatrice Kitero, alishukuru Mamlaka kwa mafunzo na kuahidi kuyafanyia kazi katika uboreshaji wa huduma za hali ya hewa kwaajili ya usafiri wa anga nchini.

Kozi ya huduma za hali ya hewa kwaajili ya usafiri wa anga, imeandaliwa na Chuo cha Hali ya Hewa  Kigoma kwa muda wa mwezi mmoja na ilifanyika Makao Makuu ya TMA, Ubungo Plaza, Dar es Salaam. Wahitimu ni wafanyakazi wa Mamlaka waliohitimu degree ya Hali ya Hewa kutoka vituo vya Mbeya, Dodoma, Kigoma, Makao Makuu (DSM) na Zanzibar.