TMA YAWAHAMASISHA WANASAYANSI WA KITANZANIA KUJIKITA KATIKA TAFITI ZA MABADILIKO YA HALI YA HEWA

Picha: Mgeni rasmi Mhandisi James Ngeleja aliyemuwakilisha Mwenyekiti wa Bodi ya Ushauri wa Mamlaka ya Hali ya Hewa (TMA)(wa pili kutoka kushoto waliokaa ) na Mkurugenzi Mkuu wa TMA Dkt. Agnes Kijazi (wa tatu kutoka kushoto waliokaa) katika picha ya pamoja na washiriki wa warsha ya kuhamasisha wanasayansi kufanya tafiti za mabadiliko ya hali ya hewa ili kuchangia katika ripoti ya kimataifa(IPCC report), iliyofanyika katika ukumbi wa hotel ya Blue Pearl, Tarehe 18 Novemba 2014.

Mamlaka ya Hali ya Hewa nchini imeandaa warsha ya kuhamasisha wanasayansi wa kitanzania kufanya utafiti wa mabadiliko ya hali ya hewa ikizingatia matokeo na taarifa za hivi karibuni za Jopo la Kimataifa linaloshughulikia Sayansi ya mabadiliko ya hali ya hewa duniani (IPCC). Warsha hiyo imefanyika katika Hoteli ya Blue Pearl, Dar es Salaam, Tarehe 18 Novemba 2014. Warsha hiyo ilifunguliwa na Mhandisi James Ngeleja ambaye alimwakilisha mwenyekiti  wa Bodi ya Ushauri ya Mamlaka ya Hali ya Hewa Bw. Morisson Mlaki.  Ushiriki wa watanzania katika tafiti za mabadiliko ya hali ya hewa dunia ni mdogo hivyo naomba kutoa rai kwa wanasayansi wote mliopo hapa na nje ya warsha hii kushiriki katika utafiti hususan katika ripoti ya sita ya IPCC itakayoanza kuandaliwa hapo baadae’alisema Bwana Morisson Mlaki katika hotuba yake.

Aidha, Mkurugenzi Mkuu wa Mamlaka ya Hali ya Hewa Tanzania (TMA) Dkt. Agnes Kijazi aliwakariribisha washiriki wote na kuwashukuru Shirika la Hali ya Hewa Duniani (WMO) kwa kufadhili warsha hiyo kupitia programu ya GFCS. ‘napenda kuchukua fursa hii kuwakaribisha wote mliohudhuria warsha hii, aidha nawasihi taasis za elimu ya juu hapa nchini kuwahimiza wanasayansi kufanya tafiti katika mabadiliko ya hali ya hewa ili taarifa za mabadiliko ya hali ya hewa kwa nchi yetu na Afrika kwa ujumla ziweze kuingia katika ripoti ya IPCC’ alisema Dkt.Kijazi.

Jopo la Kimataifa linaloshughulikia Sayansi ya mabadiliko ya Hali ya Hewa Duniani  (IPCC) ni chombo cha kimataifa kilichoundwa ili kutathimini mabadiliko ya hali ya hewa duniani. Warsha hiyo ilikuwa na washiriki kutoka COSTECH, Chuo Kikuu cha Dar es Salaam (UDSM), Chuo Kikuu Dodoma (UDOM) chuo Kikuu cha Kilimo Sokoine (SUA),Chuo Kikuu cha Ardhi (ARU), wasomi kutoka Chuo Kikuu cha Dar es Salaam, Ofisi ya Makamu wa Rais-Mazingira, Ofisi ya Waziri Mkuu,-Kitengo cha Maafa, Wizara ya Kilimo na Usalama wa Chakula, World Food Programme (WFP),Kituo cha Utafiti wa Masuala ya hali ya hewa (CWCAR), Climate Consult, Baraza la Taifa la Usimamizi wa Mazingira (NEMC), Chama cha Msalaba mwekundu (RedCross) na taasisi mbalimbali za mazingira. 

Imetolewa na : Monica Mutoni, Ofisi ya Uhusiano- Mamlaka ya Hali ya Hewa

TMA DIRECTOR GENERAL OFFICIATED 2ND AERONAUTICAL METEOROLOGY TRAINING

Dr. Agnes Kijazi, Director General of TMA gave her remarks during 2nd Aeronautical Meteorology Training opening ceremony held at TMA Headquarter, Ubungo Plaza-Dar es Salaam.

Training participants during 2nd Aeronautical Meteorology Training opening ceremony held at TMA Headquarter, Ubungo Plaza-Dar es Salaam.

Guest of Honour, Director General of TMA Dr. Kijazi and Director of Support Services (1st from right with black suit) on a group photo during 2nd Aeronautical Meteorology Training opening ceremony held at TMA Headquarter, Ubungo Plaza-Dar es Salaam from 15th -30th November 2014.

Rais Kikwete katika Mkutano wa Jinsia wa Shirika la Hali ya Hewa Duniani (WMO)

Mkutano wa Jinsia kuhusu huduma za hali ya hewa ulioandaliwa na Shirika la Hali ya Hewa Duniani (WMO) ulifanyika Geneva Uswis kuanzia  tarehe 5-7 Novemba 2014. Mkutano uliazimia mambo mbalimbali ikiwa pamoja na jinsi ya kuhakikisha wanawake wanajiunga kwa wingi katika fani ya sayansi ya hali ya hewa na maji. Mheshimiwa Jakaya Mrisho Kikwete Rais wa Jamuhuri ya Muungano wa Tanzania alialikwa kutoa hotuba katika ufunguzi wa mkutano huo.

Katika hotuba yake ambayo imenukuliwa katika hadidu za mkutano Rais wa Jamuhuri ya Muungano wa Tanzania Mheshimiwa Jakaya Mrisho Kikwete alisema upo uhusiano wa wazi kabisa kati ya athari za mabadiliko ya hali ya hewa na usawa wa kijinsia. Alisema,  wanawake wanaoishi katika maeneo ya vijijini ndio ambao kwa kiwango kikubwa wanakumbwa na athari za mabadiliko ya hali ya hewa. Hii ni kutokana na ukweli kwamba wanakabiliwa na changamoto zinazotokana na mazingira au mila ambazo zinawazuia kuwa na uwezo wa kumiliki rasilimali na pia kuwanyimwa haki na sauti ya kushiriki katika kutoa maamuzi mbalimbali. “Ni muhimu masuala ya jinsia yakajumuishwa na kupewa kipaumbele katika huduma za hali ya hewa ili kuhakikisha kwamba wanawake  wanakuwa na sauti katika kutoa maamuzi ya hatua zinazopaswa kuchukuliwa katika kukabiliana na athari za mabadiliko ya hali ya hewa” ilieleza hotuba hiyo ya mheshimiwa Rais.

Kwa upande wake Katibu Mkuu wa Shirika la hali ya Hewa Duniani (WMO), Bwana Michael Jarraud alisema kwa kiasi kikubwa Shirika la Hali ya Hewa Duniani limepata mafanikio kwa kuongeza utoaji wa huduma zenye mtazamo wa kijinsia kwa wakati na kwa ufanisi. “Hilo limewezekana kwa kupitia dhamira ya WMO ya kuzingatia mahitaji maalum ya wanawake na wanaume, pia ushirikishwaji wa wanawake na wanaume katika kuandaa na kubuni huduma mbalimbali kwa  kuzingatia usawa wa kijinsia”. Aliongeza Bwana Jarraud. Katika hotuba yake ya kufunga mkutano huo, Katibu Mkuu huyo wa WMO alitoa pongezi maalum kwa Bara la Afrika kwa kuongoza Duniani katika kuteua wanawake kuwa wakuu wa Taasisi za Hali ya Hewa. Mpaka sasa  kuna takribani jumla ya nchi sita za Afrika ikiwemo Tanzania ambazo wakuu wa Taasisi za Hali ya Hewa ni wanawakwe.

“ Athari za mabadiliko ya hali ya hewa zinawapata wanawake na wanaume kwa wakati mmoja ingawa wanaoathirika zaidi ni wanawake kutokana na kukosa elimu ya namna ya kujikinga”, alisema  Dkt. Elena Manaenkova, Msaidizi wa Katibu Mkuu wa Shirika la hali ya Hewa Duniani (WMO). Bi. Elena Manaekova aliongeza kuwa, wanawake na wanaume wanahitaji kuwa na haki sawa katika kupata ujuzi wa namna ya kutumia taarifa za hali ya hewa, hivyo kuwawezesha wanawake ni muhimu ili kuwajengea uwezo katika kukabiliana na na athari zinazotokana na mabadiliko ya hali ya hewa.

Kwa upande wake Mkurugenzi Mkuu wa Mamlaka ya Hali ya Hewa Tanzania (TMA) na mwakilishi wa kudumu wa Tanzania katika Shirika la Hali ya Hewa Duniani (WMO) Dkt. Agnes Kijazi alisema kuna haja ya kuwatia moyo wasichana wenye ndoto za kuwa wanasayansi mahiri wa baadae ili waweze  kutimiza ndoto zao na kufikia malengo waliyojiwekea.  “Vijana wa kike wanahitaji kukataa kukatishwa tamaa bali waangalie wanawake ambao wamepata mafanikio katika sayansi na kufuata mifano yao” aliongeza Bi. Agnes Kijazi akizungumza katika mkutano huo.

“Sekta ya Afya inatakiwa kuwa mstari wa mbele katika kueleza huduma wanazohitaji kutoka Taasisi za hali ya hewa ili kuziwezesha Taasisi hizo kutoa huduma zinazokidhi mahitaji ya watumiaji. Aidha, Taasisi  za hali ya hewa zinapaswa kuanzisha mfumo mahususi wa usambazaji wa taarifa za hali ya hewa ili ziwafikie walengwa kwa wakati” alisema Bi. Hellen Msemo mwanasayansi  kutoka Mamlaka ya Hali ya Hewa  wakati akitoa mada katika Mkutano huo.

Mkutano huo  ulitoa mapendekezo mbalimbali ikiwa pamoja na kuwaongezea uwezo wanawake ili waweze kupata na kuzitumia taarifa za hali ya hewa, kuhamasisha Taasisi za Hali ya Hewa Duniani kuandaa mikakati ya mafunzo na kampeni zinazolenga kuhamasisha wanawake kusoma masomo ya sayansi ili kujiunga katika fani ya hali ya hewa na kuboresha njia za usambazaji wa taarifa za hali ya hewa ili taarifa hizo ziwafikie wanawake wengi. Aidha Taasis za Hali ya Hewa zimetakiwa kuhakikisha taarifa zinatolewa katika lugha nyepesi ya kueleweka kwa wanawake na wanaume.

Imetolewa na : Monica Mutoni Afisa Mahusiano wa TMA.

TMA TAKES PART ON 40TH SESSION OF THE INTERNATIONAL PANEL ON CLIMATE CHANGE (IPCC) IN COPENHAGEN, DENMARK

Picture 1: TMA Director General,Dr Agnes Kijazi and Director of Research and Applied Meteorology, Dr. Ladislaus Chang’a during the 40^th Session of the International Panel on Climate Change (IPCC)    Session held in Copenhagen, Denmark from 27 to 31 October 2014.

Picture 2: TMA Director General, Dr Agnes Kijazi and the World Meteorological Organization (WMO) Deputy Secretary General, Mr. Jeremiah Lengoasa exchanging some ideas during the 40^th Session of the International Panel on Climate Change (IPCC) Session held in Copenhagen, Denmark from 27 to 31 October 2014.

TMA YAJUMUIKA NA MATAIFA 12 YALIYOKUTANA DAR KUZINDUA CIRDA PAMOJA NA KUBADILISHANA UTAALAMU WA NAMNA YA KUHUDUMIA WANANCHI KUPITIA TAARUFA ZITOLEWAZO NA MAMLAKA ZA HALI YA HEWA

Meneja wa mradi wa CIRDA kutoka UNDP, Bonizella Biagini akizungumza wakati akitambulisha maofisa waliokuwepo katika uzinduzi wa warsha ya siku tatu ya kimataifa ya ukusanyaji na matumizi ya taarifa ya hali ya hewa kwa nchi 12 duniani. Kushoto kwake ni Mkurugenzi Mkazi wa Shirika la Umoja wa mataifa la Mipango ya maendeleo duniani (UNDP) Phillippe Poinsot, Mwakilishi wa Waziri wa nchi ofisi ya Makamu wa Rais Mazingira Binilith Mahenge, Bw. Richard Muyungi.

Mwakilishi wa Waziri wa nchi ofisi ya Makamu wa Rais Mazingira Binilith Mahenge, Bw. Richard Muyungi akifungua mafunzo hayo ya siku tatu kwa wataalamu wa hali ya hewa, mabadiliko ya tabia nchi na wanaojihuisha na majanga kutoka nchi 12 ikiwemo Tanzania katika mpango wa CIRDA.

 Dkt. Pascal F.Waniha mwakilishi wa mkurugenzi wa Mamlaka ya Hali ya Hewa akitoa mada wakati warsha hiyo.

 Mkurugenzi mkazi wa UNDP Philippe Poinsot akihutubia katika warsha hiyo.

 Mmoja wa watoa mada Jeremy Usher kutoka CIRDA akiwasilisha mada kuhusu umuhimu wa takwimu na uangaliaji wa mifumo katika dunia inayokabiliwa na mabadiliko ya tabia nchi.

 Washiriki wa warsha hiyo wakisikiliza mada kwa makini.

Washiriki wakiwa katika picha ya pamoja na mgeni rasmi ndugu Richard Muyungi kutoka Ofisi ya Makamu wa Rais.

CIRDA ni mpango wa kiutafiti wa mfumo wa hali ya hewa na mabadiliko yake unaozingatia upatikanaji wa data za hali ya hewa na kuzifikisha maeneo husika kwa matumizi na kwa wakati.

 

Mradi huo umelenga kuhakikisha wakulima, watunga sera na sekta binafsi wanafanya maamuzi kwa kuzingatia taarifa za hali ya hewa kutokana na mabadiliko makubwa yaliyopo sasa.

 

 Mataifa 11 ikiwemo Tanzania yanakutana jijini Dar kwa mafunzo ya siku tatu yanayohusu utengenezaji wa mifumo bora ya upatikanaji wa taarifa za hali ya hewa,uchakataji wake na matumizi ya taarifa hizo kwa wananchi wa kawaida na watunga sera ili kuwa na uhakika na Mipango ya maendeleo.

 

Mataifa hayo ni yale yalioyopo katika mradi wa Multi Country Support Programme to Strengthen Climate Information Systems in Africa (CIRDA).

Nchi zinazohusika katika mpango huu pamoja na wenyeji Tanzania ni Benin, Burkina Faso, Ethiopia, the Gambia Liberia, Malawi, Sierra Leone, Sao Tome and Principe,Uganda na Zambia.

 

 Warsha hiyo inayofanyika katika hoteli ya Whitesands iliyopo Dar es Salaam imelenga kutoa na kubadilishana utaalamu wa namna ya kuhudumia wananchi kupitia data zinazotolewa na Mamlaka za Hali ya Hewa na taasisi za kukabiliana na majanga.