MWISHO WA KIMBUNGA “IALY”

Dar es Salaam, 22 Mei 2024 Saa 4 Usiku:

Taarifa hii inahitimisha mfululizo wa taarifa za kilichokuwa Kimbunga “IALY” zilizokuwa zikitolewa na Mamlaka ya Hali ya Hewa Tanzania (TMA) tangu tarehe 17 Mei 2024. Mwenendo wa mifumo ya hali ya hewa unaonesha kuwa katika kipindi cha saa 6 zilizopita, Kimbunga “IALY” kimepoteza kabisa nguvu yake, kikiwa kaskazini mashariki mwa pwani ya Kenya.

Hivyo, kwa sasa hakuna tena tishio la kimbunga “IALY” katika nchi yetu. Aidha, wakati kikipita karibu na pwani na nchi yetu kati ya jana tarehe 21 na leo tarehe 22 Mei 2024 kimeweza kusababisha vipindi vya mvua, upepo mkali na mawimbi makubwa katika maeneo ya pwani ya nchi yetu kama ilivyotabiriwa awali.

Hata hivyo ikumbukwe kuwa, japo tunaelekea mwishoni mwa msimu wa Masika, 2024, tunakaribia kuanza kwa msimu wa Kipupwe, na kwasababu hiyo, vipindi vya upepo wa Kusi baharini vinaweza kuanza kujitokeza na kuambatana na mawimbi makubwa kwa baadhi ya nyakati.

USHAURI: Wananchi na watumiaji wa bahari wanashauriwa kuendelea kufuatilia na kuzingatia taarifa za utabiri kutoka Mamlaka ya Hali ya Hewa Tanzania pamoja na maelekezo na miongozo inayotolewa na mamlaka husika.

WAZIRI WA UCHUKUZI ASHIRIKI MKUTANO WA SITA WA MAWAZIRI WENYE DHAMANA YA MASUALA YA HALI YA HEWA BARANI AFRIKA (AMCOMET-6)

Waziri wa Uchukuzi, Mhe. Prof. Makame Mnyaa Mbarawa (MB) ambaye pia ni Mjumbe wa Baraza la Mawaziri wa Africa wenye Dhamana ya Hali ya Hewa (African Ministerial Conference on Meteorology – AMCOMET)- akishiriki katika Mkutano wa Sita wa Baraza la AMCOMET (AMCOMET-6).

 

Waziri wa Uchukuzi, Mhe. Prof. Makame Mnyaa Mbarawa (Mb) ambaye pia ni Mjumbe wa Baraza la Mawaziri wa Africa wenye Dhamana ya Hali ya Hewa (African Ministerial Conference on Meteorology – AMCOMET)- akifuatilia majadiliano  katika Mkutano wa Sita wa Baraza la AMCOMET (AMCOMET-6) uliofanyika kwa njia ya mtandao, tarehe 16 Mei 2024. Wanaofuatilia Mkutano huo pamoja na Mhe. Waziri ni Dkt. Geofrid Chikojo (Kulia)- Kaimu Mkurugenzi Mkuu wa Mamlaka ya Hali ya Hewa (TMA) na Bw. Wilbert Muruke (Kushoto)-Meneja wa Uhusiano wa Hali ya Hewa Kikanda na Kimataifa.

Dodoma, Tarehe 16 Mei 2024.

 

Tanzania kupitia Wizara ya Uchukuzi ikiongozwa na Waziri wa Uchukuzi, Mhe. Prof. Makame Mnyaa Mbarawa (Mb) na Wataalamu kutoka Wizara ya Uchukuzi na Mamlaka ya Hali ya Hewa Tanzania (TMA) walishiriki katika Mkutano wa Sita wa Baraza la Mawaziri wenye Dhamana ya Hali ya Hewa Barani Afrika (Sixth African Ministerial Conference on Meteorology – AMCOMET-6) uliofanyika tarehe 16 Mei 2024 kwa njia ya mtandao.

 

Mkutano huo wa AMCOMET ulipokea na kujadili taarifa ya utekelezaji wa shughuli za AMCOMET kutoka kwa Sekretarieti hiyo na kuridhia Mpango Mkakati wa utekelezaji wa masuala ya hali ya hewa Barani Afrika uliohuishwa pamoja na kuidhinisha Mpango wa Utafutaji Rasilimali kwa ajili ya utekelezaji wa Mkakati wa kuimarisha huduma za hali ya hewa Barani Afrika. Masuala mengine yaliyojitokeza tangu Mkutano wa Tano wa AMCOMET ulioofanyika Machi 2021, yalijadiliwa na kutolewa maazimio. Aidha, AMCOMET-6 imejadili maendeleo ya Sekta ya Hali ya Hewa na umuhimu wake kwa maendeleo ya kijamii na kiuchumi barani Afrika.

 

Vilevile wajumbe walijadili na kukubaliana umuhimu wa kuendelea kuzijengea uwezo wa kisera na kitaalamu Taasisi za Hali ya Hewa ili kuendelea kuimarisha ubora na ufanisi katika utoaji wa huduma hususan taarifa za utabiri na tahadhari za matukio ya hali mbaya ya hewa yanayochagizwa na mabadiliko ya hali ya hewa na tabianchi. Madhara yatokanayo na matukio ya hali mbaya ya hewa yameendelea kujitokeza kwa sura tofauti ikiwa ni pamoja na matukio ya mafuriko na ukame yanayoshuhudiwa Barani Afrika na kwa hivi karibuni katika eneo la Afrika Mashariki ikiwemo Tanzania. Huduma zinazotolewa na Taasisi za Hali ya Hewa ni sehemu ya utekelezaji wa Mpango wa Umoja wa Mataifa wa kuhakikisha kuwa, kila nchi inakuwa na mfumo mzuri wa utoaji wa tahadhari kwa watu wote ifikapo mwaka 2027 (UN Early Warning for All-AW4ALL initiative).

 

Akichangia katika mada ya Mkutano inayohusiana na maandalizi ya Mpango wa Utekelezaji, Ufuatiliaji na Tathmini na Mpango wa Kukusanya Rasilimali, Mhe. Prof. Mbarawa alimpongeza Mwenyekiti wa AMCOMET aliyemaliza muda wake (Cameroon) pamoja na Sekretarieti kwa kufanikisha maandalizi ya mipango hiyo, ambayo ni utekelezaji wa Mkakati Jumuishi wa Masuala ya Hali ya Hewa wa Afrika uliohuishwa (African Integrated Strategy on Meteorology) ambao Baraza la Mawaziri wa Umoja wa Afrika (AU) na Mkutano Mkuu wa Wakuu wa Nchi Wanachama wa AU waliupitisha mwaka 2022. “Haya ni mafanikio makubwa ya kisera ambayo sote tunapaswa kuhusika katika utekelezaji wake, hivyo tunapongeza sana kazi kubwa iliyofanywa hadi sasa. Hata hivyo ni vyema kuhakikisha kuwa mipango hii inaendana vyema na mipango mingine ya kikanda na kitaifa ili kuhakikisha kwamba hakuna anayeachwa nyuma katika utekelezaji wake” Alisema Prof. Mbarawa.

 

Baraza la Mawaziri wenye dhamana ya masuala ya hali ya hewa katika Bara la Afrika (AMCOMET) hukutana kila baada ya miaka miwili. Wajumbe wa mkutano wa AMCOMET ni Waheshimiwa Mawaziri wenye dhamana ya masuala ya hali ya hewa Barani Afrika na Mwenyekiti aliyepokea kijiti cha kuongoza AMCOMET kwa kipindi cha miaka miwili ijayo kuanzia 2024 hadi 2026 ni nchi ya Uganda.

UWEPO WA KIMBUNGA “IALY” KATIKA BAHARI YA HINDI KASKAZINI MWA MADAGASCAR

Dar es Salaam, 17 Mei 2024:

Mamlaka ya Hali ya Hewa Tanzania (TMA) inatoa taarifa ya uwepo wa kimbunga “IALY” katika Bahari ya Hindi kaskazini mwa kisiwa cha Madagascar.

Mifumo ya hali ya hewa inaonesha kuwa kimbunga hicho kitaendelea kusalia katika Bahari ya Hindi katika eneo kati ya Madagascar na visiwa vya Shelisheli kwa siku nne zijazo kabla ya kuanza kupungua nguvu.

Aidha, kutokana na umbali kutoka nchini, kimbunga hicho hakitarajiwi kuwa na athari za moja kwa moja katika kusababisha ongezeko la mvua nchini. Hata hivyo vipindi vya upepo mkali na mawimbi makubwa vinaweza kujitokeza katika Bahari ya Hindi.

USHAURI: Watumiaji wa bahari na wananchi kwa ujumla wanashauriwa kuendelea kufuatilia na kuzingatia taarifa za utabiri kutoka Mamlaka ya Hali ya Hewa Tanzania pamoja na kupata ushauri na miongozo ya wataalam wa kisekta.

Mamlaka ya Hali ya Hewa Tanzania (TMA) inaendelea kufuatilia mwenendo wa kimbunga hicho na athari zake kwa mifumo ya hali ya hewa hapa nchini na itaendelea kutoa taarifa kila inapobidi.

Imetolewa na:
Mamlaka ya Hali ya Hewa Tanzania.

MATUKIO MBALIMBALI KATIKA PICHA WAKATI WA ZIARA YA WASHIRIKI WA MKUTANO WA KAMATI YA USIMAMIZI WA PROGRAMU YA SHIRIKA LA HALI YA HEWA DUNIANI (WMO) YA UTABIRI WA HALI MBAYA YA HEWA KWA NCHI WANACHAMA KANDA YA AFRIKA MASHARIKI WALIPOTEMBELEA OFISI KUU YA UTABIRI YA TMA, UBUNGO PLAZA, TAREHE 16 MEI 2024

SEVERE WEATHER FORECASTING PROGRAMME TO OPEN UP NEW COLLABORATION IN AFRICA.

 

Dar es Salaam, Tanzania, 14 May 2024.

Chairperson of Tanzania Meteorological Authority (TMA) Board, Hon. Judge Mshibe Ali Bakari urged for more collaboration among National Meteorological and Hydrological Services (NMHSs) of Eastern Africa countries to promote innovation and collaboration in addressing challenges facing effectiveness in early warning services specifically forecasting of severe weather events. “I really encourage NMHSs to consider collaborating among yourselves to harness available capacities in our respective countries in ensuring that we achieve the goal of attaining effective early warning services in line with the ‘United Nations Early Warning for All initiative”. Said Hon. Mshibe during the opening ceremony of the Meeting of the Regional Sub-programme Management Team (RSMT) of Severe Weather Forecasting Programme for Eastern Africa (SWFP-EA), on 14 -17 May 2024, Four Points, Dar es Salaam.

He also commented on the role of local capacities and collaboration as the key to complement the global guidance products in enhancing the capacity of Regional Specialized Meteorological Centres and National Meteorological Hydrological Services in provision of improved products and quality services.   

The Acting Director of TMA -Zanzibar Office , Mr. Masoud Faki who represented the Acting Director General of TMA  said, among the benefits that TMA acquired through the implementation of Severe Weather Forecasting Programme are Weather Forecast Guidance products from the Contributing Global and Regional Meteorological Centers which have demonstrated to be highly useful in preparation of National level weather forecasts through the cascading approach involving downscaling to the national domain.

“TMA has been given the role by WMO to oversee activities of the “Regional Specialized Meteorological Centre – Dar es Salaam (RSMC-Dar es Salaam)” with the responsibilities of preparing and issuing severe weather forecast guidance products for the Lake Victoria basin for use by the National Meteorological and Hydrological Services (NMHSs) of Eastern African countries around Lake Victoria basin”, Explained Mr. Masoud.

On the other hand, Representatives of WMO Secretariat Dr. Ata Hussain expressed his sincere appreciation to the United Republic of Tanzania for hosting important gathering which seeks to improve early warning services, specifically forecasting of severe weather events in Eastern African countries with the aim of reducing fatalities associated with weather hazards. This meeting is therefore of vital importance to the work of National Meteorological and Hydrological Services (NHMSs) in enhancing Early Warning Services delivery, particularly Severe Weather Forecasting to support Disaster Risk Reduction in the Eastern Africa Sub-region in line with the “United Nations’ Early Warning for All” initiative.

Participants were from Tanzania, Burundi, Djibouti, Ethiopia, Kenya, Rwanda, Somalia, Sudan, Uganda, Djibouti, Somalia, South Sudan and other experts from Contributing World Meteorological Centres -WMCs and Regional Specialized Meteorological Centres -RSMCs.

NCHI ZA KANDA YA AFRIKA MASHARIKI ZASISITIZWA USHIRIKIANO KUKABILIANA NA HALI MBAYA YA HEWA

 

Dar es Salaam, Tanzania: 14 Mei, 2024.

Mwenyekiti wa Bodi ya Mamlaka ya Hali ya Hewa Tanzania (TMA), Mhe. Jaji Mshibe Ali Bakari ametoa rai kwa wataalamu kutoka nchi za Kanda ya Afrika Mashariki kuboresha ushirikiano ili kuweza kukabiliana na changamoto zinazojitokeza hususani kipindi cha matukio ya hali mbaya ya hewa. Mhe. Mshibe alisema hayo wakati akifungua rasmi Mkutano wa Kamati ya Usimamizi wa Programu ya Shirika la Hali ya Hewa Duniani (WMO) ya Utabiri wa Hali Mbaya ya Hewa kwa nchi Wanachama Kanda ya Afrika Mashariki, unaofanyika Dar es Salaam, 14-17 Mei, 2024.

Aidha, alisisitiza kuwa, mkutano huo umewaleta pamoja wataalamu kutoka nchi za Tanzania, Burundi, Djibouti, Ethiopia, Kenya, Rwanda, Somalia, Sudan, Uganda, Djibouti, Somalia, Eritrea, Sudan Kusini pamoja na Wataalamu wengine kutoka vituo mbalimbali vya Kikanda vya WMO, hivyo kupitia ushirikiano huo huduma za hali ya hewa kwa nchi wanachama wa WMO Kanda ya Afrika Mashariki zinatarajiwa kuboresha huduma zake za hali ya hewa ili kupunguza athari zitokanazo na matukio ya hali mbaya ya hewa.

Akimwakilisha Kaimu Mkurugenzi Mkuu wa TMA, Kaimu Mkurugenzi wa TMA ofisi ya Zanzibar, Bw. Masoud Faki alisema kupitia programu hiyo ya Utabiri wa Hali Mbaya ya Hewa, TMA imeweza kunufaika na masuala mbalimali yakiwemo ya mafunzo kwa wataalamu na miongozo ya pamoja ya utendaji kazi ambayo imesaidia katika maandalizi ya utabiri katika ngazi ya nchi.

Bw. Masoud aliendelea kueleza kuwa mwaka 2019 Tanzania kupitia TMA ilichaguliwa na WMO kuendesha Kituo cha Kanda cha kutoa mwongozo wa utabiri wa hali mbaya ya hewa kwa nchi zilizopo katika Ukanda wa Ziwa Victoria ambazo ni Tanzania, Kenya, Uganda, Rwanda na Burundi.

Katika hatua nyingine, mwakilishi kutoka sekretarieti ya WMO aliishukuru Serikali ya Tanzania kukubali kuandaa na kuwa mwenyeji wa mkutano huo muhimu wenye lengo la kuboresha huduma za taarifa za hali mbaya ya hewa kwa nchi wanachama wa Kanda ya Mashariki, lengo ambalo linaenda sambamba na jitihada za Umoja wa Kimataifa.